دی سپرلیڈ ڈاٹ کام ،واشنگٹن ڈی سی ۔ سمندری طوفان نے جاپان میں تباہی مچا دی ، ریل سروس بند ،ہولناک لینڈ سلائیڈنگ سے سڑکیں بند ہو گئیں ۔
دی سپرلیڈ ڈاٹ کام کے مطابق جاپان کے مشرقی خطے میں طوفان سے بڑی تباہی ہوئی ہے ۔ شنشان نامی طوفان مشرقی علاقوں سے ٹکرا گیا ہے جس کے باعث 90کلومیٹر فی گھنٹہ سے ہوائیں چل رہی ہیں ۔ ابتدائی طور پر دس افراد کے ہلاک ہونے کی اطلاعات موصول ہوئی ہیں ۔ کئی شہروں میں شدید بارشوں سے نظام زندگی مفلوج ہو کر رہ گیا ہے ۔ سینکڑوں کلومیٹر تک لینڈ سلائیڈنگ نے سڑکیں بند کر دی ہیں ۔
جاپان کی سیلاب اور قدرتی آفات سے نمٹنے والی ایجنسی نے خطرے کی گھنٹی بجاتے ہوئے کئی شہروں میں ایمرجنسی نافذ کرواتے ہوئے شہریوں کو نقل و حرکت محدود کرنے کا کہا ہے ۔ متاثرہ سڑکوں، گلیوں میں ہر طرف پانی ہی پانی دیکھا جارہا ہے ۔ میڈیا رپورٹس کے مطابق گیگو شیما سمیت دیگر شہروں میں بجلی مکمل بند ہے ۔ ملک بھر میں سیلاب کی وارننگ پہلے ہی جاری ہو چکی ہے جس کے باعث نظام زندگی پہلے ہی مفلوج ہو کر رہ گیا ہے
