پاکستان میں انٹرنیٹ کی سپیڈ بڑھانے کے لئے اعلیٰ سطح کا اجلاس ہوا ہے جس کی صدارت وزیراعظم عمران خان نے کی ۔
تفصیلات کے مطابق اجلاس میں انٹرنیٹ کی سپیڈ بڑھانے اور عوام تک بلاتعطل فراہمی یقینی بنانے جیسے امور زیر غور آئے ۔ حکام نے عمران خان کو بریفنگ میں بتایا کہ انٹرنیٹ سروسزکی بہترفراہمی کویقینی بنانے کےلئے فائبرآپٹک بچھانے پرخصوصی توجہ دی جا رہی ہے۔
دو سال میں 1800 کلومیٹرطویل فائبرآپٹک بلوچستان اورخیبرپختونخواہ کے مختلف علاقوں میں بچھائی گئی ۔ وزیراعظم نے کہا موجودہ دور میں انٹرنیٹ کی فراہمی ایک اہم ضرورت بن چکی ہے ۔
نوجوان نسل کی صلاحیتیں بڑھانے اورتعلیم تک آسان رسائی کویقینی بنایا جائے۔سکولوں میں انٹرنیٹ کی آسان اور سستی فراہمی کے حوالے سے ضروری اقدامات کیے جائیں۔
