شہبازشریف کی مریم نوازکی گاڑی پرپتھراؤ اور حملے کی شدید مذمت کی ہے ۔ انہوں نے کہا کہ نیب نیازی گٹھ جوڑ کی فسطائیت اور آمریت شرمناک اور قابل افسوس ہے۔
عمران خان سیاسی مخالفین کو مسلسل نشانہ بنا رہے ہیں ۔ غیرجمہوری، غیرقانونی اور سیاسی انتقام کے منفی راستے خطرناک ہیں ۔
یہ بھی پڑھیئے:مریم کی پیشی پر ہنگامہ،پتھر کون لایا؟
عمران خان کسی صورت انتقام کی آگ ٹھنڈی نہیں پڑنے دے رہے ۔ پیپلز پارٹی کے چیئرمین بلاول بھٹو نے بھی نیب آفس کے باہر ہنگامہ آرائی کی مذمت کی ۔
انہوں نے کہا کہ ن لیگ کے کارکنوں پر پولیس کی شیلنگ ، پتھراؤ اور طاقت کے غیر ضروری استعمال کی مذمت کرتے ہیں ۔
حکومت اپوزیشن کی آواز دبانا چاہتی ہے ۔ مگر ناکامی ملے گی ۔
مولانا فضل الرحمان نے کہا کہ لیگی کارکنوں پر حملے کی مذمت کرتے ہیں۔موجودہ حکومت کے خاتمے کیلئے مؤثر کردار ادا کرنا ہوگا
