جنوبی ایشیا کے دیگر ممالک کی طرح پاکستان بھی مون سون بارشوں کی لپیٹ میں آگیا ہے ۔ سب سے زیادہ بلوچستان متاثر ہوا ہے جہاں کئی اضلاع اور تحصیلوں میں سیلاب آگیا ۔
این ڈی ایم اے نے اس حوالے سے الرٹ جاری کر دیا ہے ۔ متعلقہ اداروں کو بڑے سیلاب کے پیش نظر چوکنا رہنے کی وارننگ دی گئی ہے ۔
سپر لیڈ نیوز کے مطابق ندی نالوں میں طغیانی سے نشیبی علاقے زیر آب ہیں ۔ سینکڑوں مکان بھی منہدم ہونے کی اطلاعات ہیں ۔
بے گھر ہونے والے افراد کی تعداد ہزاروں میں ہے ۔ لسبیلہ کاعلاقہ وندرسب سے زیادہ متاثر ہوا ہے ۔ جہاں قریبی دیہات میں سیلابی پانی داخل ہو گیا ۔
سندھ میں بھی بارشوں سے بڑی تباہی ہوئی ہے
کنراج کا ضلع لسبیلہ سے زمینی رابطہ منقطع ہو چکا ہے ۔ جس سے علاقہ مکین محصور ہو چکے ہیں ۔ ڈیرہ بگٹی، کوہلو سمیت دیگر قریبی علاقے بھی سیلابی پانی کی لپیٹ میں ہیں ۔
سندھ میں بھی سیلابی صورتحال
بلوچستان کے ان علاقوں سے علاقہ مکینوں کی نقل مکانی جاری ہے ۔ دوسری جانب سندھ میں بھی بارشوں نے تباہی مچا دی ہے ۔
نئی گج ڈیم کا بند ٹوٹنے سے بارہ دیہات متاثر ہوئے ہیں ۔ دادو اور جھل مگسی میں سیلابی صورتحال پیدا ہو گئی ۔
پاکستانی فوج کے تعلقات عامہ کے ادارے آئی ایس پی آر کے مطابق ریسکیو آپریشن میں تیزی لائی گئی ہے ۔
فوج نے سیلاب متاثرین کو ہیلی کاپٹرز کے ذریعے کھانا اور پانی فراہم کیا ہے ۔ اسی طرح کوسٹل ہائی وے بھی بحال کر دی گئی ۔
