دی سپرلیڈ ڈاٹ کام ، کوئٹہ ۔ بلوچستان میں طوفانی بارشوں نے تباہی مچا دی ، ندی نالے بھپر گئے ، کوہلو کا بلوچستان سے زمینی رابطہ منقطع ہو گیا۔
دی سپرلیڈ ڈاٹ کام کے مطابق پری مون سون نے بلوچستان میں تباہی مچا دی ہے ۔ ندی نالوں میں طغیانی سے صورتحال خراب ہو رہی ہے ۔ کوہلو میں موسلادھار بارش سے ندی نالے بھپر گئے ۔ سوناری میں پل سیلابی ریلے میں بہہ گیا۔ کوہلو کابلوچستان سے زمینی رابطہ منقطع ہو گیا ۔ تیز ہواؤں سے بجلی کے پول بھی گر گئے۔سبی میں رات بھر کی بارش کے بعد ندی نالوں میں طغیانی ہے ۔ دریائے ناڑی اور تلی ندی میں نچلے درجے کا سیلاب آ گیا۔ ڈیرہ بگٹی میں بھی بارش سے ندی نالے بھرگئے۔ سوئی شہر میں پانی جمع ہونے سےٹریفک کی روانی میں مشکلات کا سامنا ہے ۔
