کیابلوچستان بدل رہاہے؟ یہ سوال پیدا ہوا ہے بلوچستان کی پہلی خاتون پولیس افسر کی تعیناتی سے جنہوں نے پولیس کو بطور اے ایس پی جوائن کر لیا ہے ۔
سپر لیڈ نیوز کے مطابق صوبہ بلوچستان کی تاریخ میں پہلی بار ایک خاتون پولیس افسر پری گل ترین کو اسسٹنٹ سپرنٹنڈنٹ آف پولیس لگایا گیا ہے ۔ ان کی تعیناتی کوئٹہ کینٹ میں ہوئی ہے ۔
پری گل ترین صوبہ کی تاریخ میں پہلی خاتون ہیں جو اس عہدے پر لگی ہیں ۔
پری گل ترین کا تعلق بلوچستان کے علاقے پشین سے ہے اور وہ سی ایس ایس کا امتحان پاس کرکے پولیس سروسز میں شامل ہوئی ہیں ۔ واضح رہے کہ پری گل ترین سی ایس ایس کرنے والی پہلی خاتون بھی ہیں ۔ فیڈرل پبلک سروس کمیشن کے ترجمان کے مطابق پری گل اوپن میرٹ پر کامیاب ہو کر آئی ہیں ۔وہ خواتین ، معذور افراد یا اقلیتی کوٹے سے نہیں ہیں۔ بلوچستان کی جانب سے کسی خاتون کا پولیس سروسز کو جوائن کرنا خوش آئندہے ۔
