یوسف رضا گیلانی کی سینیٹ اپوزیشن لیڈر کا عہدہ چھوڑنے کی پیشکش ۔ پارٹی اجلاس میں کہا کہ اگر پارٹی سمجھتی ہے تو میں ابھی سیٹ چھوڑنے کو تیار ہوں ۔
سپر لیڈ نیوز کے مطابق اتوار کو پیپلز پارٹی کی سنٹرل ایگزیکٹو کمیٹی کا اجلاس ہوا جس میں پی ڈی ایم کے شو کاز نوٹس کا معاملہ زیر غور آیا۔ اس موقع پر گفتگو میں یوسف رضا گیلانی نے کہا کہ میرے لئے عہدہ کوئی معنی نہیں رکھتا، ہم نے جمہوریت کے لیے جانیں اور قربانیاں دیں۔ پیپلز پارٹی پر ایسے الزامات نہیں لگائے جا سکتے جن میں کوئی حقیقت نہ ہو ۔ شرکا نے کہا آپ نے اصولوں کی خاطر وزیراعظم کی کرسی کو ٹھوکر ماردی تھی ۔ اب ایسا فیصلہ نہیں قبول کر سکتے ۔ سینیٹ میں اپوزیشن لیڈر کا عہدہ پیپلز پارٹی کا ہی حق ہے ۔
