امریکا میں ویمن لائٹ فلائی ویٹ باکسنگ مقابلے میں امریکا کی سینیسا ایسٹراڈا نے ریکارڈ بنا دیا ہے ۔ سینیسا نے اپنی حریف کو صرف سات سیکنڈز میں ناک آؤٹ کر دیا۔
تفصیلات کےمطابق اس مقابلے کو دیکھنے کے لئے سینکڑوں شائقین سٹیڈیم میں جمع تھے ۔ میچ شروع ہوتے ہی سینیسا نے حریف کو پریشان کر دیا۔
تابڑ توڑ گھونسے جڑ دیئے یوں محض سات سیکینڈز میں ہی ہم وطن امریکی حریف ڈھیر ہوگئی ۔ یوں سینیسا نے اپنے ملک کا نام روشن کرتے ہوئے ویمن باکسنگ کا تیز ترین ناک آؤٹ اپنے نام کرلیا ۔
میچ جیتنے کے بعد میڈیا سے گفتگو میں امریکی باکسر نے کہا کہ انہیں امید نہیں تھی کہ ان کی حریف اس قدر آسان ٹارگٹ ثابت ہونگی ۔
انہوں نے کہا کہ اس میچ کے لئے انہوں نے سخت محنت کی تھی ۔ سینیسا نے آئندہ بھی ایسی ہی کارکردگی کا عزم ظاہر کیا ہے ۔