کرپشن پرپردہ ڈالنےکےلئےاے پی سی رکھی گئی،وزرا

دی سپر لیڈ ، اسلام آباد۔ کرپشن پرپردہ ڈالنےکےلئےاے پی سی رکھی گئی،وزرا  نے اپوزیشن کی بڑی بیٹھک پر تنقید کا نشانہ بنایا ہے ۔ ساتھ ہی عمران خان کے وژن کا حوالہ دیتے ہوئے کہا این آر او نہیں ملےگا۔

سپر لیڈ نیوز کے مطابق اے پی سی کے دوران ہی حکومتی وزرا کا سخت ردعمل سامنے آیا۔

 شبلی فراز نے کہا کہ  اپوزیشن کی  اے پی سی سے  حکومت پر دباؤ بڑھانا مشکل ہے ۔  کچھ بھی ہو جائے ، وزیر اعظم  کرپشن کے خلاف جنگ پر کبھی سمجھوتہ نہیں کریں گے ۔یعنی کسی کو این آر او نہیں ملے گا۔

اسد عمر نے ٹویٹ کیا کہ ووٹ کو عزت دی گئی تھی اسی لیے نواز شریف اقتدار سے ہاتھ دھو بیٹھے ۔شہزاد اکبر نے کہا  بیماری کا بہانہ بنا کر  باہر بیٹھے نوازشریف اپنے مذموم مقاصد بتا چکے ہیں ۔

میاں صاحب کو کوئی سمجھائے کے عوام نے 2018 الیکشن میں واقعی ووٹ کو عزت دی اور سمجھ بوجھ کر ووٹ استعمال کیا. اس کا نتیجہ یہ نکلا کہ میاں صاحب اقتدار سے تو فارغ ہوئے ہی، جعل سازی کر کے ملک سے بھی بھاگنا پڑا…. ووٹ کی اتنی عزت کافی نہیں یا مزید عزت افزائی کی ضرورت ہے؟

— Asad Umar (@Asad_Umar) September 20, 2020

شیخ رشید نے کہا کہ اپوزیشن نتائج حاصل نہیں کر سکے گی ۔ ان لوگوں میں پہلے ہی بہت اختلافات ہیں ۔  انہوں نے کہا کہ چور ٹولے کے ہاتھ کچھ نہیں آنا۔

یہ بھی پڑھیئے:عمران خان فوری استعفیٰ دیں ، اے پی سی اعلامیہ 

فواد چودھری نے کہا ابو بچاؤ مہم کی اور قسط فلاپ،میڈیا کی آزادی کا اس سے بڑہ کر کیا ثبوت ہو گا کہ نواز شریف کی تقریر براہ راست دکھائی گئی ۔  اے  پی  سی مکمل ناکامی کی داستان سنا رہی ہے ۔

ابو بچاؤ مہم کی اور قسط فلاپ،میڈیا کی آزادی کا اس سے بڑہ کر کیا ثبوت ہو گا کہ نواز شریف کی تقریر براہ راست دکھائ گئ،کہتے ہیں تیتیس سال ملک میں آمریت رہی لیکن انھوں نے یہ نہیں بتایا کہ ان سالوں میں پندرہ سال وہ خود اس سسٹم کا حصہ رہے اور کٹھ پتلی کے طور پر خدمات سرانجام دیں

— Ch Fawad Hussain (@fawadchaudhry) September 20, 2020

ادھر پنجاب کےو زیراعلیٰ نے بھی ایسے ہی خیالات کا اظہار کیا۔ انہوں نے کہا کہ 2023 تک ایسی اے پی سی ہوتی رہیں گی ۔  حکومت مدت پوری کرے گی