محمد عدنان اکبر نقیبی
سمندر کی لہروں کا شور، ٹھنڈی ہوا اور پرسکون ماحول ، یہ سب ساحل کو تفریح کا بہترین مقام بنا دیتے ہیں۔دنیا میں چند ایسے ساحل ہیں جن کی خوبصورتی دیکھ کر انسانی آنکھ دنگ رہ جائے۔
چن کو ٹیرے، اٹلی
اٹلی کا ’چن کو ٹیرے‘ نامی ساحل جس کا ذکر مشہور اطالوی شاعر ڈینٹ نے اپنی شاعری میں بھی کیا ہے ، ڈینٹ مزاحیہ شاعری کے لئے مشہور ہیں۔چن کو ٹیرے اطالوی لفظ ہے جس کا مطلب پانچ زمینیں ہیں۔
اس ساحلی پٹی پر پانچ گاؤں ہونے کی وجہ سے اس کو ’ چن کو ٹیرے کہا جاتا ہے۔
ٹر کوئز، ترکی
ترکی کے جنوبی مغربی کنارے کے ساتھ ’ ٹرکوئز ‘ نامی ساحل ہے جو خلیج پر مشتمل ہے۔
مناسب آب و ہوا، گرم سمندر، پہاڑی سلسلے، حیرت انگیز قدرتی مناظر کی وجہ سے ترکی کا یہ ساحل قومی اور بین الاقوامی سطح پر اہم سیاحتی مقام قرار دیا جاتا ہے۔
بگ سر، کیلیفورنیا
کیلیفورنیا کا علاقہ بگ سر وہیل مچھلیوں کو قریب سے دیکھنے کے حوالے سے جانا جاتا ہے ۔
حالیہ برسوں میں قحط سالی اور جنگلات میں آگ لگنے کے واقعات نے اس ساحلی خطے کو نقصان پہنچایا ہے اور سمندر میں وہیل مچھلی کے نظر آنے کے واقعات میں ڈرامائی کمی دیکھنے میں آئی ہے۔
اینٹرم، شمالی آئر لینڈ
یہ ساحل 40000 سے زائد انٹسل بند بیسالٹ کالم پر مشتمل ہے۔
یہ مقام سیاحت کے حوالے سےسب سے زیادہ مقبول ہے,2005 ء میں آئرلینڈ کو بہترین جگہوں میں سے ایک کے طور پر نامزد کیا گیا تھا۔
مالا بار، بھارت
’’مالا بار‘‘ دو مختلف زبانوں ملیالم اورقدیم ادوار میں عرب میں بولی جانے والی سومیٹک زبان کے دو لفظوں سے مل کر بنا ہے۔ ملیالم زبان میں لفظ ’’مالا‘‘ کے معنی ہیں’’ پہاڑی‘‘ اور عرب کی قدیم ترین زبان میں’’بار‘‘ سے مراد ’’ خطہ زمین‘‘ہے۔
مالا بار کا ساحل کئی صدیاں قبل ہندوستانی مصالحہ جات کی بحری تجارت کا مرکز بنا۔ قدیم زمانے میںیہ دولت مند بندرگاہوں کے لئے جانا جاتا تھا۔
اسکیلیٹن کوسٹ،نیمبیا
یہ ساحل نرم ریت اور بڑی تعداد میں چٹانوں کی وجہ سے مشہور ہے۔
یہ ایسا مقام ہے جہاں سی لائن( سمندر کے شیر) کی بڑی تعداد دیکھی جا سکتی ہے۔
گریٹ اوشن روڈ، آسٹریلیا
گریٹ اوشن روڈ آسٹریلیا میں سیاحوں میں مقبول ترین مقامات میں سے ایک ہے۔ اس کے اطراف میں بے حد خوبصورت مناظر اور سدرن اوشن کے کنارے چٹانوں کی عجیب اشکال سیاحوں کی دلچسپی کا مرکز ہیں۔
ہفتے کو یہ شاہراہ ٹریفک کے لیے بند رہی جبکہ عمومی طور پر سال کے اس حصے میں یہ بہت مصروف ہوتی ہے۔
این اے پالی ، ہوائی
امریکی ریاست ہوائی کا ساحل ہالی وڈ کی مشہور ترین فلمیں’جراسک پارک‘ اور’جراسک ورلڈ‘ کی عکس بندی کے لئے جانا جاتا ہے۔
یہاں کے شاندار پہاڑ، آبشار، ساحل سمندر قابل دید ہیں۔
اینڈامین، تھائی لینڈ
اگرچہ یہ ساحل تھائی لینڈ کے جنوبی مغربی کنارے سے زیادہ منسلک ہے
مگر یہ میانمار اورشمالی ملائیشیا تک پھیلا ہوا ہے۔
بیگل چینل، ارجنٹینا
اس کا نام شاہی بحریہ جہاز کے نام پر رکھا گیا ہے۔
ایک انگریز ماہر حیاتیات ڈارون نے 1831 میں صرف 22سال کی عمر میں بیگل پر دنیا کے گرد سفر کا آغاز کیا تھا۔
ڈلمیشن، کروشیا
یہ دنیا کا سب سے شاندار سمجھا جانے والا ساحل ہے۔
ڈلمیشن کےساحلی خطے پرایک جیسے گھروں کاشہر، پتھریلے ساحل پھیلے ہوئے ہیں ،یہاں رومن کے کھنڈرات بھی محفوظ ہیں۔
راجہ امپت، انڈونیشیا
یہاں دیڑھ سو سے زائد چھوٹے چھوٹے جزائر اس کو دنیا میں منفرد بناتے ہیں۔
الاسکا کا ساحل
الاسکا کے خلیج پر حیرت انگیز برفانی تودے اور پگھلتے گلیشیئرز کی وجہ سے مشہور ہے۔
کوسٹا ورڈی، برازیل
اس ساحل کے اطراف میں بے شمار ہرے بھرے جنگلات ہیں جس کی وجہ سے اسے گرین کوسٹ یعنی ہرا ساحل بھی کہاجاتا ہے۔