وفاق نے بدترین لوڈ شیڈنگ کی ذمہ داری سابق حکومتوں پر ڈال دی ۔ شبلی فراز نے کہا ہے کہ موجودہ حکومت بحران سے نمٹنے کے لئے دن رات ایک کر رہی ہے ۔ مگر ماضی کی غلط پالیسیوں کی وجہ سے بجلی کی پیداوار کم ہوئی ۔
کسی بھی حکومت نے ترسیلی نظام پر توجہ ہی نہیں ۔ عوام کو اندھیروں میں لے جانے والے سابق حکمران ہی ہیں ۔
انہوں نے کہا کہ اب ایسا ممکن نہیں کہ آج بات کریں تو کل بجلی سستی ہوجائے گی ۔
وزیراطلاعات نے الزام لگایا کہ ن لیگ کی حکومت نے بغیر کسی منصوبہ بندی کے پلانٹس لگائے تھے ۔
بجلی گھر لگانے سے پہلے تفصیلی جائزہ لیا جاتا ہے ۔ ترسیلی نظام پر فوکس ضروری ہے مگر ن لیگ نے ترسیل پر کوئی بھی توجہ نہیں دی جس پرافسو س ہی کیا جا سکتا ہے ۔
انہوں نے کہا کہ حکومت کی سمت درست ہے ۔ آئندہ آنے والے دنوں میں حالات مزید بہتر ہونگے